22 ივნისს, ქუთაისის ლადო მესხიშვილის სახელობის თეატრის სცენაზე, ფესტივალ „თეატრალური იმერეთი -2025 -ის“ ფარგლებში, თერჯოლის სახალხო თეატრმა მაყურებლის წინაშე იასმინა რეზას მოტივებზე შექმნილი შავი კომედია – „ომის ღმერთი“ წარადგინა.
სპექტაკლმა დამსწრე საზოგადოების მოწონება დაიმსახურა – თანამედროვე ოჯახის პრობლები , ურთიერთობები ,დაპირისპირება ,ირონია და სხვა მნიშვნელოვანი თემები ერთ სცენაზე გაერთიანდა.
წარმოდგენას თერჯოლის მუნიციპალიტეტის მერი მანუჩარ რობაქიძე , საკრებულოს თავმჯდომარის მოადგილე დავით გოგბერაშვილი, მერიის კულტურის, განათლების, სპორტისა და ახალგაზრდულ საქმეთა სამსახურის ხელმძღვანელი მაკა ასათიანი და ადგილობრივი თვითმმართველობების წარმომადგენლები ესწრებოდნენ.
თეატრალური ფესტივალი იმერეთში მეთექვსმეტედ იმართება და მისი წარმდგენები არიან: საქართველოს კულტურის სამინისტრო, იმერეთში სახელმწიფო რწმუნებულის ადმინისტრაცია, ქუთაისის მერია, საქართველოს თეატრალური საზოგადოება და იმერეთის რეგიონის მუნიციპალიტეტები.
