თერჯოლის მუნიციპალიტეტში, სოფელ ნაგარევში უწყვეტი წყალმომარაგების მიზნით, წყლის მაგისტრალის სამშენებლო სამუშაოები აქტიურად მიმდინარეობს.
მიმდინარე პროცესი მუნიციპალიტეტის მერმა, ლაშა გოგიაშვილმა, მოადგილეებთან, მანუჩარ რობაქიძესთან და მირზა ქოჩიაშვილთან, ასევე ადგილობრივი თვითმმართველობის წარმომადგენლებთან ერთად დაათვალიერა.
ნაგარევში წყლის სისტემის მოწყობის სამუშაოებს ადგილობრივი ბიუჯეტის დაფინანსებით შპს ,, უნიმშენი" ახორციელებს. პროექტის ფარგლებში სასმელ წყალს 80 ოჯახი მიიღებს.
დღესვე, ხელმძღვანელმა პირებმა, მუნიციპალიტეტში მიმდინარე ინფრასტრუქტურული სამუშაოების მონიტორინგის მიზნით, სოფელ თუზი-თავასის დამაკავშირებელი გზის სარეაბილიტაციო სამუშაოები მოინახულა.პროექტის ფარგლებში მოეწყობა 1 100 მ რკინა-ბეტონის საფარი, სანიაღვრე არხები და ცხაურები.
გზის რეაბილიტაცია სამუშაოებს, ტენდერში გამარჯვებული კომპანია შპს "ჯეო როუდ ინვესტი", ახორციელებს და მიმდინარე წელს დასრულდება.