ქვეყანა დღეს, #9აპრილს დაღუპულებს და საქართველოს დამოუკიდებლობის გამოცხადებას იხსენებს.

36 წლის წინ რუსთაველის გამზირზე, საბჭოთა არმიამ მშვიდობიანი მიტინგი ორლესული ნიჩბებით და მომწამვლელი აირით სასტიკად დაარბია, დაიღუპა 21 ადამიანი. ტრაგიკული მოვლენებიდან 2 წლის შემდეგ კი უზენაესმა საბჭომ, საქართველოს სახელმწიფოებრივი დამოუკიდებლობის აღდგენა გამოაცხადა.

თერჯოლის მუნიციპალიტეტის ადგილობრივმა თვითმმართველობამ 9 აპრილთან დაკავშირებით ქ.თერჯოლაში, გვირგვინით შეამკო 9 აპრილს გარდაცვლილთა სახელობის მემორიალი, სასულიერო პირებმა კი მათი სულის მოსახსენიებელი პარაკლისი გადაიხადეს.

დღესვე, თერჯოლის ადგილობრივი ხელისუფლების ხელმძღვანელმა პირებმა ძევრში არსებულ მემორიალიც შეამკეს გვირგვინით , ეროვნულ-განმათავისუფლებელ ბრძოლაში დაღუპულთა პატივსაგებად.

ამ დღესთან დაკავშირებით,მოეწყო მოკრძალებული ლიტერატურული კომპოზიციაც.