თერჯოლის მუნიციპალიტეტის საკრებულოში მორიგი სხდომა გაიმართა

2024 წლის 3 ივლისს, თერჯოლის მუნიციპალიტეტის საკრებულოში მორიგი სხდომა გაიმართა, რომელსაც საკრებულოს თავმჯდომარე - გიორგი ბარათაშვილი ხელმძღვანელობდა.

სხდომის დაწყებამდე, თავმჯდომარემ - გიორგი ბარათაშვილმა, დეპუტატებს და დამსწრე საზოგადოებას საქართველოს ეროვნული ნაკრების ღირსეული ასპარეზობა მიულოცა ევროპის ჩემპიონატზე და სამომავლოდ წარმატება უსურვა ფეხბურთელებს.

დღევანდელ სხდომაზე, დღის წესრიგის შესაბამისად, განიხილეს და მხარი დაუჭირეს საფინანსო-საბიუჯეტო კომისიის თავმჯდომარის - თემურ ქოჩიაშვილისა და  იურიდიულ საკითხთა კომისიის თავმჯდომარის - ბიძინა ბუცხრიკიძის  მიერ წარმოდგენილ საკითხებს:

1.         ,,თერჯოლის მუნიციპალიტეტის 2024 წლის ბიუჯეტის დამტკიცების შესახებ“ თერჯოლის მუნიციპალიტეტის საკრებულოს 2023 წლის 13 დეკემბრის №30 დადგენილებაში ცვლილების შეტანის თაობაზე ;

მომხსენებელი: თემურ ქოჩიაშვილი

2.         ,,თერჯოლის მუნიციპალიტეტის ტერიტორიაზე ადგილობრივი მოსაკრებლის შემოღების, მისი ოდენობის განსაზღვრისა და შესაბამისი ინსტრუქციების დამტკიცების თაობაზე“ თერჯოლის მუნიციპალიტეტის საკრებულოს 2015 წლის 2 თებერვლის №10 დადგენილებაში ცვლილების შეტანის შესახებ.

მომხსენებელი:  ბიძინა ბუცხრიკიძე

აღნიშნულ საკითხებზე საკრებულოს სხდომამდე, საფინანსო-საბიუჯეტო კომისიის, იურიდიულ საკითხთა კომისიის, ფრაქცია „ქართული ოცნება - დემოკრატიული საქართველოსა" და ბიუროს სხდომებზე იმსჯელეს.

საკითხების წარმოდგენის შემდგომ სხდომა კითხვა-პასუხის რეჟიმში გაგრძელდა.  დეპუტატების შეკითხვებს საფინანსო-საბიუჯეტო კომისიის თავმჯდომარემ - თემურ ქოჩიაშვილმა და იურიდიულ საკითხთა კომისიის თავმჯდომარემ - ბიძინა ბუცხრიკიძემ უპასუხეს.

დღევანდელ სხდომას თერჯოლის მუნიციპალიტეტის მერი - მანუჩარ რობაქიძე, მერის მოადგილე - ზვიად ბაზაძე, მერის წარმომადგენელი საკრებულოში - სოსო ჩაფიჩაძე  და მერიის შესაბამისი სამსახურების წარმომადგენლები ესწრებოდნენ.

დღის წესრიგი:

1.,,თერჯოლის მუნიციპალიტეტის 2024 წლის ბიუჯეტის დამტკიცების შესახებ“ თერჯოლის მუნიციპალიტეტის საკრებულოს 2023 წლის 13 დეკემბრის №30 დადგენილებაში ცვლილების შეტანის თაობაზე;

2.,,თერჯოლის მუნიციპალიტეტის ტერიტორიაზე ადგილობრივი მოსაკრებლის შემოღების, მისი ოდენობის განსაზღვრისა და შესაბამისი ინსტრუქციების დამტკიცების თაობაზე“ თერჯოლის მუნიციპალიტეტის საკრებულოს 2015 წლის 2 თებერვლის №10 დადგენილებაში ცვლილების შეტანის შესახებ.