თათბირზე საუბარი შეეხებოდა პრემიერ-მინისტრის მიერ ინიციირებულ დასაქმების მასშტაბურ პროგრამას, რომელიც სოციალურად დაუცველი პირების, საზოგადოებრივ სამუშაოებზე დასაქმებას უზრუნველყოფს.

მერმა, წარმომადგენლებს, პროგრამის შესახებ მოქალაქეების ინფორმირება და უშუალოდ იმ ოჯახებთან კომუნიკაცია დაავალა, სადაც რამდენიმე შრომისუნარიანი პირი ცხოვრობს და შემწეობას იღებს.

დასაქმების პროგრამაში ჩასართავად, ბენეფიციარებმა სოციალური მომსახურების სააგენტოს სერვის ცენტრებს უნდა მიმართონ.

ორშაბათის ტრადიციულ თათბირზე, მუნიციპალიტეტის მერმა, თითოეული სამსახურის ხელმძღვანელისგან სფეროების მიხედვით შესრულებული სამუშაოებისა და დაგეგმილი ღონისძიებების შესახებ მოისმინა ინფორმაცია.

ლაშა გოგიაშვილმა ყურადღება გაამახვილა, მუნიციპალიტეტში მიმდინარე ინფრასტრუქტურულ პროექტებზე და მათი მიმდინარეობის პროცესი შეაფასა.

მეორე ეტაპის სამშენებლო- სარეაბილიტაციო სამუშაოები დაიწყო ღვანკითი-ავტობანის დამაკავშირებელ გზაზე, რომელიც რგფ-დან ადგილობრივი ბიუჯეტის თანადაფინანსებით ხორციელდება.

აქტიურ ფაზაშია თავასა-თუზის დამაკავშირებელი გზის მშენებლობა.პროექტის ფარგლებში მოეწყობა 1 100 მ რკინა-ბეტონის საფარი, სანიაღვრე არხები და ცხაურები.გზის რეაბილიტაცია სამუშაოებს, ტენდერში გამარჯვებული კომპანია შპს "ჯეო როუდ ინვესტი", ახორციელებს და მიმდინარე წელს დასრულდება.

უახლოეს დღეებში დაიწყება პუშკინის ქუჩის გზის ბეტონის საფარით მოწყობა, რომელიც რგფ-დან ადგილობრივი ბიუჯეტის დაფინანსებით განხორციელდება.

აღნიშნული საავტომობილო გზების მოწესრიგება ადგილობრივი მაცხოვრებლებისთვის დიდ პრობლემას წარმოადგენდა. შიდა საუბნო გზების რეაბილიტაცია, ხელს შეუწყობს მოსახლეობის უსაფრთხოდ და კომფორტულად გადაადგილებას.

მსგავსი სახის სამუშაო შეხვედრები მომავალშიც აქტიურად გაიმართება.