თერჯოლის მუნიციპალიტეტის მერმა, ლაშა გოგიაშვილმა და საკრებულოს თავმჯდომარემ, გიორგი ბარათაშვილმა სოფელ ალისუბანსა და ზედა საზანოში ის ოჯახები მოინახულეს, რომლებიც უკრაინიდან ომის დაწყების შემდეგ ჩამოვიდნენ.ხელმძღვანელმა პირებმა ოჯახებს საკვები პროდუქტები და სიმბოლური საჩუქრები გადასცეს, მოისმინეს მათი საჭიროებები და თანადგომას დაჰპირდნენ. უკრაინის მოქალაქეები საქართველოში ხარკოვიდან, მარიუპოლიდან, ასევე ხერსონიდან ჩამოვიდნენ და დროებით ჩვენს ქვეყანაში აპირებენ ცხოვრებას.შეგახსენებთ, რომ ჰუმანიტარული ტვირთის პირველი ნაწილი უკრაინელი მოსახლეობის დასახმარებლად თერჯოლის მერიიდან უკვე გაიგზავნა და ინიციატივის ფარგლებში, პირველადი დახმარების სამედიცინო საგნების, სურსათისა და სხვა საჭირო ნივთების მობილიზება ამ დრომდე გრძელდება.ხელმძღვანელ პირებთან ერთად, ადგილზე იმყოფებოდნენ, სოფელ ალისუბნის მაჟორიტარი დეპუტატი, ბადრი ბუცხრიკიძე, საზანოსა და თუზის მაჟორიტარი დეპუტატი, დავით გოგბერაშვილი და ადგილობრივი თვითმმართველობის სხვა წარმომადგენლები.მუნიციპალიტეტის მერიის მხრიდან აღნიშნული ოჯახის მიმართ თანადგომა მანამდე გაგრძელდება, სანამ ამის საჭიროება იქნება.