მე-17 საერთაშორისო თეატრალური ფესტივალის ფარგლებში წარმოდგენილი სპექტაკლი,თერჯოლის მუნიციპალიტეტის მერიის კულტურის სამსახურის და ა(ა)იპ სახელოვნებო განათლების ცენტრის ორგანიზებით, კულტურის სახლში გაიმართა.

ღონისძიებას, მერის მოადგილე მირზა ქოჩიაშვილი, საკრებულოს თავმჯდომარის მოადგილეები- ჯემალ ისაკაძე, სერგი ჯიხვაშვილი, ფესტივალის ჟიური, ადგილობრივი ხელისუფლების წარმომადგენლები და მოწვეული სტუმრები დაესწრნენ.

საერთაშორისო თეატრალური ფესტივალი, იმერეთში სახელმწიფო რწმუნებულის ადმინისტრაციის და იმერეთის 12 მუნიციპალიტეტის მხარდაჭერით, 24 ივნისს დაიწყო და 2 ივლისს დასრულდება.

სპექტაკლის ,, განთიადამდე შეჩერებულების“ შემდეგი ჩვენება თერჯოლის კულტურის სახლის დარბაზში, 6 ივლისს,15: 00 საათზე გაიმართება .