თერჯოლის მუნიციპალიტეტის მერი მანუჩარ რობაქიძე ადგილობრივი ახალგაზრდების დასაქმების ხელშეწყობის მიზნით მოწყობილ საინფორმაციო შეხვედრას დაესწრო.
შეხვედრას,რომელიც
სსიპ ,,დასაქმების ხელშეწყობის საახელმწიფო სააგენტოს“ იმერეთის რეგიონული სერვის ცენტრის წარმომადგენლობის მიერ გაიმართა, თერჯოლის მუნიციპალიტეტში მცხოვრები ახალგაზრდები ესწრებოდნენ. სერვის ცენტრის წარმომადგენლებმა ადგილობრივებს, კარიერული განვითარებისა და დასაქმების შესაძლებლობების გაცნობის მიზნით , მასტერკლასები ჩაუტარეს. მასტერკლასის ფარგლებში, ახალგაზრდებმა მიიღეს პრაქტიკული რჩევები ეფექტური რეზიუმეს, სამოტივაციო წერილის და დამსაქმებელთან გასაუბრების სხვდასხვა ტექნიკების შესახებ. აღსანიშნავია, რომ დასაქმების მსურველ ახალგაზრდებს სამომავლოდ რეკომენდაციებს მუნიციპალიტეტის მერია გაუწევს.
საინფორმაციო შეხვედრა თერჯოლის მუნიციპალიტეტის მერიის მხარდაჭერით გაიმართა .
