• სამუშაო საათები: 09:00 - 18:00
  • სატესტო რეჟიმი

ტელეფონი0491 24 44 64

ელ ფოსტა[email protected]

მისამართირუსთაველის ქ. N109

📌თერჯოლის მუნიციპალიტეტის მასშტაბით, სოფლის მხარდაჭერის პროგრამის ფარგლებში მოსახლეობასთან შეხვედრები დასრულდა

📌თერჯოლის მუნიციპალიტეტის მასშტაბით, სოფლის მხარდაჭერის პროგრამის ფარგლებში მოსახლეობასთან შეხვედრები დასრულდა.

🔶დასაფინანსებელი პროექტების შერჩევის მიზნით, დასახლებების საერთო კრებები და კონსულტაციები ძევრის, ჩხარისა და გოგნის ადმინისტრაციულ ერთეულებში გაიმართა.

🔷შეხვედრებს თერჯოლის მუნიციპალიტეტის მერის მოვალეობის შემსრულებელი, მანუჩარ რობაქიძე, მერის მოადგილესთან, მირზა ქოჩიაშვილთან და საკრებულოს თავმჯდომარესთან გიორგი ბარათაშვილთან ერთად დაესწრო.

🔶ადგილობრივმა მაცხოვრებლებმა კრებაზე პრიორიტეტულ საკითხებზე იმსჯელეს და განსახორციელებელ პროექტებზე ერთად შეთანხმდნენ.

🔹ძევრის ადმინისტრაციულ ერთეულში ხმათა უმრავლესობით საგზაო ინფრასტრუქტურის მოწესრიგება გადაწყდა;

🔹გოგნის ადმინისტრაციულ ერთეულში პრიორიტეტად მინი სტადიონის მოწყობა დასახელდა;

🔹ჩხარის ადმინისტრაციულ ერთეულში მოსახლეობის ინტერესების გათვალისწინებით არსებული კლუბის შენობის სახურავისა და გარე ფასადის რეაბილიტაცია მოხდება.

🔶„სოფლის მხარდაჭერის პროგრამა“ მიზნად ისახავდა სოფლის ტიპის დასახლებების ინფრასტრუქტურის განვითარებას და მოსახლეობის ჩართულობის ზრდას გადაწყვეტილებების მიღების პროცესში.

👤👥სამუშაო შეხვედრებს, ძევრის, ჩხარისა და გოგნის მაჟორიტარი დეპუტატი, მანუჩარ ფანჩულიძე ადგილობრივი თვითმმართველობის წარმომადგენლებთან ერთად დაესწრო.

✔️სოფლის კრებები და კონსულტაციები 2023 წლის 23 იანვარს დაიწყო და დღეს, 27 იანვარს დასრულდა.

#