თერჯოლის მუნიციპალიტეტის მერმა მანუჩარ რობაქიძემ მოადგილეებთან და მერიის სტრუქტურაში შემავალი სამსახურების ხელმძღვანელებთან ერთად თერჯოლაში დაგეგმილი ინფრასტრუქტურული სამუშაოები და ღონისძიებები განიხილა.
ასევე, საუბარი შეეხო მუნიციპალიტეტში მიმდინარე და განხორციელებულ პროექტებს. მერმა არსებული საჭიროებების შესახებ დეტალური ინფორმაცია მოისმინა.
შეხვედრისას, ყურადღება დაეთმო დაგეგმილ სახალხო დღესასწაულს - ,,თერჯოლობა 2025“-ს, რომელიც 18 ოქტომბერს გაიმართება. თერჯოლის მერიის კულტურის სამსახურის უფროსმა მაკა ასათიანმა შეხვედრის მონაწილეებს სახალხო დღესასწაულის ფარგლებში დაგეგმილი ღონისძიებები გააცნო.
