10 თებერვალს, თერჯოლის მუნიციპალიტეტის მერმა მანუჩარ რობაქიძემ, საკრებულოს თავმჯდომარე სოსო ჩაფიჩაძესა და ადგილობრივი ხელისუფლების წარმომადგენლებთან ერთად შეხვედრა გამართა ბარდუბნის ,ზედა სიმონეთის,ახალთერჯოლის, ეწრის და სიქთარვის ადმინისტრაციულ ერთეულში შემავალი სოფლების მოსახლეობასთან.

აღნიშნულ შეხვედრებზე ადგილობრივმა მოსახლეობამ ხელისუფლების წარმომადგენლებს დაუსახელა ის პრიორიტეტული პროექტები, რომელთა განხორციელება მოხდება „სოფლის მხარდაჭერის პროგრამის“ ფარგლებში გამოყოფილი 690 000 ლარით.

მოსახლეობის გადაწყვეტილებით, შეირჩა შემდეგი პრიორიტეტული პროექტები:

საუბნო გზების, გარე განათების,სანიაღვრე სისტემის,მინი მოედნების მოწყობა-მოწესრიგება.

მუნიციპალიტეტში სოფლის კრებები და კონსულტაციები 13 თებერვალს დასრულდება.