თერჯოლაში სოფლის კრებები და კონსულტაციები გრძელდება

    თერჯოლის მუნიციპალიტეტში, სოფლის მხარდაჭერის პროგრამის ფარგლებში, მოსახლეობასთან შეხვედრები აქტიურად გრძელდება. სოფლის საერთო კრებები და კონსულტაციები ზედა სიმონეთის, ბარდუბნის, ეწრის, სიქთარვისა და ახალთერჯოლის ადმინისტრაციულ ერთეულებში გაიმართა . 

  შეხვედრაზე მუნიციპალიტეტის მერი - მანუჩარ რობაქიძე , მოადგილეებთან - ზვიად ბაზაძესთან და მირზა ქოჩიაშვილთან ერთად იმყოფებოდა. შეხვედრას ასევე ესწრებოდნენ მუნიციპალიტეტის საკრებულოს თავმჯდომარის მოადგილეები: დავით გოგბერაშვილი , ჯემალ ისაკაძე და ადგილობრივი ხელისუფლების სხვა წარმომადგენლები.  

  მოსახლეობის გადაწყვეტილებით ზედა სიმონეთში საუბნო გზა მოეწყობა , ასევე გარე განათების სისტემა და მგზავრთა მოსაცდელი დამონტაჟდება.

  ბარდუბნის ადმინისტრაციულ ერთეულში , ხმათა უმრავლესობით გარე განათების სისტემის მოწყობა დაიგეგმა.

  რაც შეეხება ეწრის ადმინისტრაციულ ერთეულს , აქ სანიაღვრე არხები მოწყობა და ასევე მოხდება საბავშვო ბაღის შემოღობვა .

  სიქთარვის ადმინისტრაციულ ერთეულში მოსახლეობამ პრიორიტეტად დაასახელა მინი სტადიონის მოწყობა.

   ახალთერჯოლის ადმინისტრაციულ ერთეულში კი მოსახლეობის ინტერესების გათვალისწინებით საუბნო გზები რეაბილიტირდება.

სოფლის კრებები და კონსულტაციები მუნიციპალიტეტის 45 სოფელში პერიოდულად გაიმართება. ორშაბათს , 29 იანვარს შეხვედრები თუზის საზანოს და რუფოთის ადმინისტრაციულ ერთეულებშია ჩანიშნული.