გზების სარეაბილიტაციო სამუშაოები მუნიციპალიტეტის მერმა მანუჩარ რობაქიძემ ადგილზე დაათვალიერა, ადგილობრივი ხელისუფლების წარმომადგენლებთან ერთად.

აქტიურად მიმდინარეობს ორი სოფლის დამაკავშირებელი უმნიშვნელოვანესი გზის რეაბილიტაცია, სოფ.ჩხარი-ზედა ალისუბნის საავტომობილო გზის პროექტის ფარგლებში ეწყობა არმირებული ბეტონის საფარი. სამუშაოებს ასრულებს შპს ,,სანდრო’’ , სამუშაოების ღირებულებაა 263158 ლარი, პროექტი გარდამავალია და დასრულდება 2026 წელს;

საგზაო ინფრასტრუქტურა ეწყობა ასევე სოფ. 26 მაისშიც, გიორგაძეების საუბნო მონაკვეთზე არმირებული ბეტონის საფარი იგება. სამუშაოებს ასრულებს შპს ,,მეკა“, სამუშაოების ღირებულებაა 259992 ლარი;

სოფ. გოდოგანში კი საავტომობილო გზის და ასევე საყრდენი კედლების რეაბილიტაცია მიმდინარეობს. პროექტის ფარგლებში ეწყობა არმირებული ბეტონის საფარი. სამუშაოებს ასრულებს შპს ,,ალპედე“ , სამუშაოების ღირებულებაა 224712 ლარი;

მუნიციპალიტეტში , 2025 წელს რგფ-დან ადგილობრივი ბიუჯეტის თანადაფინანსებით ხორციელდება 26 ინფრასტრუქტურული პროექტი, რომლის ჯამური ღირებულება შეადგენს 5 383 124 ლარს.