თერჯოლაში, პროექტის ,,მეტი გამჭვირვალობა და ანგარიშვალდებულება ეფექტური თვითმმართველობისთვის,, ფარგლებში, მორიგი საინფორმაციო ხასიათის შეხვედრა გაიმართა.
შეხვედრას თერჯოლის მუნიციპალიტეტის მერის მოადგილე-ზვიად ბაზაძე, საკრებულოს თავმჯდომარის მოადგილე-დავით გოგბერაშვილი, ადგილობრივი თვითმმართვბელობის წარმომადგენლებთან ერთად დაესწრო.
შეხვედრის მიზანს წარმოადგენდა მუნიციპალური სამოქალაქო მრჩეველთა და გენდერული საბჭოების გაძლიერება, საბჭოს წევრებისათვის ექსპერტის მიერ ჩატარებული ტრენინგების გზით.
აღნიშნული პროექტი იმერეთის მხარეში , გერმანიის ფედერალური მთავრობის, ევროკაშირისა და ასევე გერმანიის საერთაშორისო თანამშრომლობის საზოგადოების მხარდაჭერით ხორციელდება და მისი მთავარი მიზანია , უზრუნველყოს თერჯოლის, ტყიბულის და ბაღდათის მუნიციპალიტეტებში ეფექტური თვითმმართველობის და გადაწყვეტილების პროცესში, სამოქალაქო საზოგადოების ჩართულობის ხელშეწყობა.
