თერჯოლაში ორი სოფლის საავტომობილო გზის რეაბილიტაცია მიმდინარეობს

    თერჯოლის მუნიციპალიტეტში  რგფ-იდან ადგილობრივი  ბიუჯეტის თანადაფინანსებით,

ორი სოფლის საავტომობილო გზის რეაბილიტაცია  მიმდინარეობს.

   დღეს, მუნიციპალიტეტის მერმა მანუჩარ რობაქიძემ საგზაო ინფრასტრუქტურის მოწესრიგების სამუშაოები ადგილზე დაათვალიერა , საკრებულოს თავმჯდომარე გიორგი ბარათაშვილთან ერთად.

    სოფ. ბარდუბანში  ვერულაშვილები-ბოჭორიშვილები-გრძელიძეების უბნის დამაკავშირებელი გზის რეაბილიტაცია ხორციელდება,  პროექტის ფარგლებში ეწყობა არმირებული ბეტონის საფარი და სანიაღვრე სისტემა, სამუშაოებს ასრულებს შპს „ალპედე“, პროექტის  ღირებულებაა  208951 ლარი;

   შპს „ჯეო როუდ ინვესტი“, კი  სოფ. სიქთარვაში ცხადაძეების უბნის გზის რეაბილიტაციას ახორციელებს. პროექტი ფარგლებში ეწყობა არმირებული ბეტონის საფარი, სამუშაოების ღირებულება 99922 ლარია.

 შეხვედრას სოფლის დეპუტატები და მერის წარმომადგენლები ესწრებოდნენ.