მუნიციპალიტეტის მერიაში დღეს, სახლდაზიანების სოციალური პროგრამის ფარგლებში, 2025 წელს ასაშენებელ სახლებზე იმსჯელეს.

სამუშაო შეხვედრაზე , განხილულ იქნა მიმდინარე წელს მუნიციპალიტეტში ასაშენებელი სახლების პრეზენტაცია. სოციალური პროგრამის მოქმედმა კომისიამ , 36 ოჯახის მიერ წარმოდგენილი განაცხადის მიხედვით , რამდენიმე შეარჩია. შერჩეული ოჯახები სრულად აკმაყოფილებენ პროგრამის დადგენილ კრიტერიუმებს.

კომისიის გადაწყვეტილებით ,თერჯოლაში წელს 8 სახლი აშენდება, რომელსაც ადგილობრივი ბიუჯეტიდან გამოყოფილი თანხები დააფინანსებს.

სახლდაზიანების სოციალური პროგრამა მუნიციპალიტეტში 2019 წლიდან არსებობს და ამ დრომდე უკვე 41 სოციალურად დაუცველი ოჯახი დაკმაყოფილდა ახალი სახლით.