თერჯოლის მუნიციპალიტეტის მერმა, მანუჩარ რობაქიძემ, დღეს სოფელ კვახჭირში მშენებარე ცენტრალური საავტომობილო გზა დაათვალიერა. მონიტორინგზე მუნიციპალიტეტის მერი საკრებულოს თავმჯდომარე გიორგი ბარათაშვილთან და მერის მოადგილე ზვიად ბაზაძესთან ერთად იმყოფებოდა.

რგფ-დან ადგილობრივი ბიუჯეტის თანადაფინანსებით მიმდინარეობს სოფ. კვახჭირში ცენტრალური საავტომობილო გზის სარეაბილიტაციო სამუშაოები, რომლის ღირებულება შეადგენს 272144 ლარს .პროექტის ფარგლებში მოეწყობა არმირებული ბეტონის საფარიანი საავტომობილო გზა 4000 მ2-ზე. სამუშაოებს ასრულებს შპს ,,ჯეო როუდ ინვესტი" .

შეხვედრას საკრებულოს წევრი ბიძინა ბუცხრიკიძე და მერის წარმომადგენელი სოფელ კვახჭირში რომან მამრიკიშვილი ესწრებოდნენ.