სკოლამდელ დაწესებულებებს კომპიუტერები გადაეცათ

თერჯოლის მუნიციპალიტეტში სკოლამდელ დაწესებულებებს კომპიუტერული ტექნიკა გადაეცათ.

 25 პერსონალური კომპიუტერი  დღეს, 12 აპრილს  ქალაქის  და სოფლის საბავშვო ბაღების დირექტორებს, ადგილობრივი  ხელისუფლების ხელმძღვანელმა პირებმა დაურიგეს. 

,,სკოლამდელი განათლების ხელშეწყობა ჩვენი მთავრობის ერთ-ერთი მთავარი პრიორიტეტია, მუნიციპალიტეტის ადგილობრივი თვითმმართველობა ყოველთვის იზრუნებს იმაზე, რომ  თითოეულმა ბავშვმა მიიღოს ხარისხიანი განათლება და აღიზარდოს თანამედროვე სტანდარტებით აღჭურვილ სივრცეში’’ -აღნიშნა მუნიციპალიტეტის მერმა-მანუჩარ რობაქიძემ.

 მუნიციპალიტეტის  ა(ა) იპ სკოლამდელ დაწესებულების მუნიციპალური ცენტრის ხელმძღვანელის თქმით ,აღნიშნულ ტექნიკას სკოლამდელი აღზრდის დაწესებულებებში სწავლა-აღზრდის ხარისხის გასაუმჯობესებად  გამოიყენებენ, მაია თორთლაძის განმარტებით, კომპიუტერიზაცია ასევე აუცილებელია, ბაღების ავტორიზაციის მიმდინარე პროცესების ხელშეწყობისთვის.

  საბავშვო ბაღებისთვის კომპიუტერული ტექნიკის შეძენა  , მუნიციპალიტეტის  ადგილობრივი ბიუჯეტიდან დაფინანსდა.