თერჯოლაში , კულტურის სახლთან არსებული შემოქმედებითი ჯგუფების საგაზაფხულო ღონისძიება გაიმართა.

მუსიკალურ პროგრამაზე , წარმოდგენილ იქნა ფოლკლორულ-ქორეოგრაფიული ანსამბლების- ,,იმერეთი“ , ,, მასპინძელო“, ,,იამე ‘’, ,,,იმერეთი“, ,, ჯეოგენი“ საკონცერტო ნომერები .

ღონისძიებაზე , 2022-2023 სასწავლო წლების ოქროს და ვერცხლის მედალოსანები დაჯილდოვდნენ; კურსდამთავრებულებს, 61 ოქროს და 13 ვერცხლის მედალი, მუნიციპალიტეტის მერმა, საკრებულოს თავმჯდომარემ და საგანმანათლებლო რესურსცენტრის ხელმძღვანელმა გადასცეს და შემდგომი წარმატებები უსურვეს.

,,განათლების და მეცნიერების სამინისტროს მიერ დაწესებული ეს ჯილდო ,მოსწავლეთა აკადემიური მოსწრების წახალისებისთვის ძალიან მნიშვნელოვანია.პროექტი, რომლსაც სახელმწიფო უკვე 15 წელია ახორციელებს, მომავალი თაობის აღზრდას , განვითარებას და მათი მოტივაციის ამაღლებას ემსახურება. ოქროსა და ვერცხლის მედალი ეს არის სიმბოლო დაუღალავი შრომის, მიზანდასახულობის და პასუხისმგებლობის. ნამდვილად საამაყო და სასიხარულოა თითოეული თქვენგანის წარმატება." -აღნიშნა მუნიციპალიტეტის მერმა მანუჩარ რობაქიძემ და წარმატებულ ახალგაზრდებს და ღონისძიების ყველა მონაწილეს მადლობა გადაუხადა.