28- 29-30 სექტემბრის სტიქიის შედეგად განსაკუთრებით დაზარალდა სოფელ ბარდუბანში მცხოვრები- დავით მარგველაშვილი, რომელსაც ქარის შედეგად გამოწვეული ხანძრით, სრულად დაეწვა საცხოვრებელი სახლი . ადგილობრივი თვითმმართველობის გადაწყვეტილებით, სტიქიის სალიკვიდაციოდ გადმორიცხული თანხებით, მარგველაშვილებს ახალი სახლი აუშენდებათ. როგორც მუნიციპალიტეტის მერმა დაზარალებულ ოჯახთან შეხვედრისას განაცხადა, სახლის სამშენებლო სამუშაოების შესყიდვის მიზნით, მერია ტენდერს რამდენიმე დღეში გამოაცხადებს და მომავალშიც გააგრძელებს მათ თანადგომას.

დღესვე ადგილობრივი ხელისუფლების წარმომადგენლები , სოფელ გოგნში სტიქიით დაზარალებულ დალი არაბიძეს შეხვდნენ,რომელსაც დაზიანებული სახურავის შესაკეთბლად, თუნუქი და ხის მასალა რამდენიმე დღეში გადაეცემა.

მთავრობის განკარგულებით გამოყოფილი თანხები

მუნიციპალიტეტში ქარის სტიქიით დაზიანებული 5 საცხოვრებელი სახლის რეაბილიტაციას მოხმარდება.

შეხვედრას საკრებულოს თავმჯდომარის მოადგილე-ნინო ჩხიკვაძე, ბარდუბნის დეპუტატი- გოჩა ვერულაშვილი და აღნიშნულ სოფლებში მერის წარმომადგენლები ესწრებოდნენ.