,,თერჯოლობა 2024" -ის ფარგლებში

ლაშა გოგიაშვილის სახელობის მუნიციპალური ტურნირის ფინალი ჩატარდა მინი ფეხბურთში. ფინალში ერთმანეთს ძევრის და ქ.თერჯოლის საფეხბურთო გუნდები დაუპირისპირდნენ. ტურნირის გამარჯვებული ძევრის გუნდი გახდა,მან 4-1 დაამრცხა მეტოქე.

ჩემპიონატის თასი გამარჯვებულ გუნდს , მუნიციპალიტეტის მერმა მანუჩარ რობაქიძემ გადასცა და გამარჯვება მიულოცა.

მუნიციპალური ტურნირი სოფლის გუნდებს შორის მინი ფეხბურთში მთელი თვის განმავლობაში მიმდინარეობდა და მასში მონაწილეობა ყველა ადმინისტრაციულმა ერთეულმა მიიღო.

ლაშა გოგიაშვილის სახელობის მუნიციპალური ტურნირი, ყოველწლიურად,ტრაგიკულად გარდაცვლილი მერის ხსოვნის პატივსაგებად იმართება და მიზნად ისახავს ფეხბურთის პოპულარიზაციას, უბნებს შორის მეგობრობასა და სპორტულ თანამშრომლობას, მოსახლეობაში ჯანსაღი ცხოვრების წესის დამკვიდრებას.