ძევრში ახალი საბავშვო ბაღი შენდება

  თერჯოლაში,სოფელ ძევრში  ახალი საბავშვო ბაღი შენდება.

ძევრში  მშენებარე   საბავშვო  ბაღის რეაბილიტაციის პროცესს ადგილზე  გაეცნო მუნიციპალიტეტის მერი-მანუჩარ რობაქიძე.

მონიტორინგის ფარგლებში მანუჩარ რობაქიძე , საკრებულოს თავმჯდომარის მოადგილესთან ,დავით გოგბერაშვილთან ერთად იმყოფებოდა. ხელმძღვანელმა პირებმა ,ადგილობრივი ხელისუფლების სხვა წარმომადგენლებთან ერთად დაათვალიერეს  მიმდინარე სამშენებლო სამუშაოები.

    სოფლისთვის  უმნიშვნელოვანესი ინფრასტრუქტურული  პროექტის  მშენებლობა მგფ-ის დაფინანსებით ხორციელდება. ახალი საბავშვო ბაღი 50 აღსაზრდელზეა  გათვლილი .

   ამ დროისათვის  უკვე აშენებულია სკოლამდელი დაწესებულების   ძირითადი ნაწილი, ამოყვანილია ოთახები,  მოეწყო სარტყელი .

პროექტის მიხედვით,  ძევრში თანამედროვე სტანდარტების შესაბამისი საბავშვო ბაღი შენდება,რომელიც ადაპტირებული იქნება შშმ პირებისთვის, დამონტაჟდება  ცენტრალური გათბობა ,დაწესებულება აღიჭურვება   თანამედროვე, ხარისხიანი ინვენტარით, კეთილმოეწყობა შიდა და  გარე სივრცე .

   სამშენებლო სამუშაოებზე პასუხისმგებელია ტენდერში გამარჯვებული შპს   ,, იმერეთმშენი-2000 “ , რომლის საქმეთა მწარმოებლის თქმით , დასრულებული  პროექტი   აგვისტოს ბოლოს უნდა ჩაბარდეს.

   ,,ახალი საბავშვო ბაღის მშენებლობა,  მნიშვნელოვანია არა მხოლოდ  სოფლისთვის,არამედ  მთლიანად მუნიციპალიტეტისთვის.განახლებული  ინფრასტრუქტურა იძლევა იმის საშუალებას, რომ ბავშვებმა განათლება მიიღონ  საკუთარ სოფელში,საერათაშორისო სტანდარტების შესაბამისად აღჭურვილ გარემოში.“_ აღნიშნა თერჯოლის მერმა,მანუჩარ  რობაქიძემ