• სამუშაო საათები: 09:00 - 18:00
  • სატესტო რეჟიმი

ტელეფონი0491 24 44 64

ელ ფოსტა[email protected]

მისამართირუსთაველის ქ. N109

ალილო 2025

ალილო 2025
თერჯოლაში, 7 იანვარს, შობის დღესასწაულზე ალილოს საზეიმო მსვლელობა გაიმართა.
მასშტაბური სადღესასწაულო ღონისძიება ,უკვე მეორე წელია მუნიციპალიტეტის მერის, მანუჩარ რობაქიძის ინიციატივით ეწყობა. ალილოს საშობაო მსვლელობაში ადგილობრივი თვითმმართველობა, თერჯოლისა და ტყიბულის ეპარქიის მიტროპოლიტი, მეუფე გიორგი შალამბერიძე, ასევე სასულიერო პირები და მუნიციპალიტეტის მოსახლეობა იყო ჩართული.
შობის მახარებლები 7 იანვარს ,ჭაბუკთის წმინდა გიორგის სახელობის საკათედრო ტაძრიდან დაიძრნენ და რამდენიმე საათში ქალაქის ყველა ადგილი მოიცვეს.
ალილოს მსვლელობაში აქტიურად იყო ჩართული ასევე , მუნიციპალიტეტის ყველა საგანმანათლებლო დაწესებულება, ადმინისტრაციული ერთეულები, ა(ა)იპების წარმომადგენლები და ქალაქში არსებული სხვადასხვა ორგანიზაციები.
ალილოს მსვლელობას მთელი დღის განმავლობაში, სხვადასხვა ადგილზე მოქალაქეები სასაჩუქრე კალათებით, საშობაო ძღვენით უერთდებოდნენ.
,,ალილო 2025" დღის ბოლოს ქალაქის ცენტრში მდებარე ღვთისმშობლის ხარების სახელობის ტაძართან დასრულდა.
აღსანიშნავია რომ, ალილოს მსვლელობისას შეგროვილი საშობაო ნობათი მუნიციპალიტეტის შეჭირვებულ ოჯახებს, ბავშვებთა და მოხუცთა სახლებს გადაუნაწილდება.
ხელმძღვანელმა პირებმა თერჯოლის მოსახლეობას და სრულიად საქართველოს შობის დღესასწაული მიულოცეს და მადლობა გადაუხადეს აქტიური მონაწილეობისთვის.
#